好開心 TRUE+ team 既 HUNG 踏入人生新階段 － 求婚！！
事前HUNG好緊張今次既流程同安排，除左同迪士尼華特餐廳 (求婚之地) 多次溝通
仲有成班兄弟姊妹坐陣，當然都包括我地啦！！

［求婚流程］
女主角事前完全唔知情，只以為係一般約會。
中途男主角會去TOILET，其實已經去換返套靚衫準備求婚 ！
與此同時，兄弟姊妹請餐廳職員送紅玫瑰花比女主角
之後就到男主角攞住99 支紅玫瑰出現，求娶最愛～

第一次拍求婚紀錄片，事前我地都幾緊張
我地選擇前段偷怕，尾段攝影師先現真身咁一直紀錄
由於係餐廳環境，充滿外在因素，所以於偷怕時要確保拍到主角已不是件容易的事
事前提早到場，擺位預演等，預測所有可能性
更要確保能拍到主角感動既一刻，最珍貴既MOMENT

事後諗返，求婚比Wedding Day 更突發更快
攝影師既技巧已是必須，最講求臨場既反應同靈活性
當時我地發現位置所限，用唔到大機偷怕
就用左最近買既小型攝錄機，遠睇仲以為係電話
就算我地攝影師坐附近一枱偷怕都無比人發現 （笑）

今次真係一次好好玩，又好有挑戰性既拍攝
而且見到HUNG同女主角甜蜜既笑容，我地都好滿足啦～
希望快D到HUNG既大婚日子！！


另外，都想特別多謝迪士尼華特餐廳既細心安排
起確保其他食客擁有舒適環境既同時，讓我地有足夠地方進行求婚大作戰
當日事前準備既時候，就感覺到經理好努力咁平衡兩邊既需要
唔會一面倒咁阻止我地
有餐廳既配合，令到我地可以有更充足既準備，成個拍攝更順利進行

早晨！
每次做Wedding Day 都要好早起身，可以見到好靚嘅日出。

身為典型香港人，平時都訓到 Last Minute 先起身，再到 Last Minute 先肯去訓教，好少機會睇到日出，感受到清晨嘅舒暢。
出 Wedding Day Job 就可以享受呢個萬物甦醒嘅時刻，跟住成日做起野上黎都特別爽手！