Lovely Couple - Monica and Ka Lok

同Monica，Ka Lok呢對新人私底下都識左好耐，知道兩位既性格都好真誠，對人好好。而新娘子Monica燦爛甜美既笑容更加令身邊既人留下深刻印象。

由Pre-wedding 到Big day既拍攝，都得到佢地既信任。拍攝過程中新人同我地講左最多既係....無數次既 "多謝"，" 唔該哂"，"麻煩哂"等等。 影Pre-wedding果時，又怕我地熱，怕我地辛苦,仲專登買定水同野食。以上令我地感動並唔係物質層面，而係從中感受到Monica 同Ka Lok 對我地，攝影師既尊重，信任同重視。正因為咁，無形中令到我地想再做得最好。

兩位琴日既婚禮，老實講事前自己都有壓力。除左拍攝同一般流程外，成長片，SDE Video 都想做得再好d ，唔單止想新人滿意，都想賓客們鍾意，Enjoy 播放既每一條片。
好彩當日天氣大好，流程又暢順，可以拍到好多好好既作品。拍攝當中既畫面可以感受到佢地之間既愛：一些小動作，互相扶持，相對而笑等等，已經充份表現左愛既存在。
新人感動到又喊又笑既場面，真係令我地團隊都感動埋一份，完全感受到二人自然散發既幸福。

今次既Sharing有d 長，除左因為同兩位係朋友外，更重要係當日真係個充滿愛既Wedding Day，令到我地同好多賓客都好感動。
最後衷心祝福Monica & Ka Lok 永遠幸福快樂。